A inauguración do teléfono 12 millóns converteu a nosa aldea en protagonista dun acontecemento histórico, coa conversa telefónica entre S.M. o Rei Juan Carlos I e a alcaldesa de Cualedro, Marina Cuquejo.
Este vídeo é unha homenaxe á memoria de todas as persoas que viviron aquel día con ilusión e emoción. Un anaco da nosa historia que merece ser lembrado, conservado e compartido coas novas xeracións.
Queremos expresar un agradecemento moi especial ás veciñas e veciños da Pedrosa pola súa colaboración para recuperar e dixitalizar este valioso documento histórico. Grazas a eles, hoxe todos podemos volver revivir este momento inesquecible.
Agardamos que vos emocione tanto como a nós.